Këngëtari i dashur për publikun shqiptar, Luiz Ejlli, po shijon disa ditë të bukura pushimi në Turqi pranë familjes së tij. Mirëpo, përveç relaksit dhe momenteve të ëmbla familjare, ky udhëtim ka rezervuar edhe një surprizë të madhe për artistin dhe fansat e tij.
Përmes një postimi në Instastory, Luizi ka ndarë një imazh që ka pushtuar menjëherë rrjetin. Ai ka takuar aktorin e famshëm turk, Kenan İmirzalıoğlu, i njohur gjerësisht nga i gjithë publiku shqiptar për rolin e tij legjendar në telenovelën “Ezel”.
Siç shihet në imazh, dyshja shfaqen mjaft të qeshur pranë njëri-tjetrit, ndërsa Luizi nuk ka kursyer as ironinë dhe humorin e tij karakteristik. Krahas fotos, këngëtari ka shkruar me batutë:
“Ezel 2. Së shpejti 😉”
Për t’i vendosur “qershinë mbi tortë” këtij takimi, Luizi ka shoqëruar postimin me këngën ikonike të serialit, “Eyşan Unutamıyorum” nga Toygar Işıklı, duke sjellë nostalgji tek të gjithë ndjekësit.
Kujtojmë që seriali “Ezel” mbetet një nga prodhimet më të ndjekura dhe më të pëlqyera në Shqipëri, ndaj ky takim i “shkodranit me Ezelin” me siguri do të jetë kryefjala e mediave rozë për ditët në vijim!